Zweiter Gerätewettkampf der Saison

Bereits stand der nächste Wettkampf der Saison an:

K1
Tim ist das erste Mal mit dabei! Nervosität zeigte er jedoch kaum. Am Startgerät Boden war die Aufregung dann aber doch kurz da: vor lauter An- und Abmelden ging das Anmelden vergessen. Er zeigte trotzdem eine gute Übung. Weiter ging es mit den Ringen, dem Sprung, Barren und Reck, wo er konzentriert weiterturnte und sein Können zeigte. Seine beste Note erturnte er sich am Barren. Damit durfte er sich verdient über eine Auszeichnung freuen und kann stolz auf seine Leistung sein.

Direkt im Anschluss ging es mit den Turnerinnen weiter, die durch Sabrina und Gioia eingeturnt und vorbereitet wurden. Für die einen war es bereits der 2. Wettkampf der Saison, für andere wiederum der Allererste. Beim Startgerät, den Ringen, erzielten wir gute Noten. Aluna wurde dabei sogar mit einer 9.25 ausgerufen. Weiter ging es mit dem Sprung, dem Reck und dem Boden. Einige zeigten gute und andere sehr gute Leistungen. Zwei Turnerinnen konnten sich am Ende über eine verdiente Auszeichnung freuen.

Chli früeh am morge für eusi K2 Hüendli ❤️ Chli überstellig sinds gsi, was sich leider scho am Startgrät Ring zeigt het. Chnü und ohni Spannig hämmer gad chli Pünkt verschenkt. De Schock isch zwar tüf i de Chnoche gsesse und obwohls sich a de wiitere grät meh Müeh geh händ het sichs chli durezoge. Sehr schad will es paar ihres Potenzial verschenkt händ. Einigi händ aber sitem letste Wettkampf en riese Fortschritt gmacht und uf das simmer au stolz. I zwei Wuche wird Potenzial und Fortschritt, sowie Spannig no vereint und mir sind zueversichtlich für de nögschti Wettkampf. Für e Uszeichnig hets hüt für 2 Turnerinne glanget. Gratulation ad Milena und Chiara C.

Mir sind hüt mit 2 vo 3 K2er Jungs gstartet. Und es isch eifach es Grät zviel i dere Halle für die 2 ;-) Am Schluss langet d Konzentration amel nüme so. Und das usgrechnet bim Sprung wo Beidi eigentli sehr stark sind. Sehr schad, aber sie händ denn glich gmerkt das villicht nochli hettet selled warte mit aneligge. Aber jede eimal usgrüeft z‘werde händs verdient und Barre händs aso au super gmeisteret obwohl de im Training amel chli zchurz chunt. Es het für 1 Uszeichnig glanget und sogar gad under die erste 10. Gratulie Gian zum 9.te Platz. Super gmacht!

Dasmal fangi vo hine a: ganz schön stolz bini. 5 uszeichnige vo 6 Turnerinne. Mega cool. 1 nu knapp nöd glanget nöchst mal füllemer uf 💪🏻

Viel meh blibt nöd zsäge. Sprung: riese Fortschritt ha fasch nüm dra glaubt und die 2-3 Sächeli am Reck und Bode wos mer eifach nöd wänd glaube händs jetzt selber gmerkt. Ring wird nochli am Timing, Gspüre und Schwüng gschaffet und schusch simmer aber alli happy :-)

Wieder super Platzierungen bei den K4er: z. Rang Leonie, 3. Rang Marvin, 5. Rang Lian und 11. Rang Florian - herzliche Gratulation!

K5A

Hüt hemmer scho früeh müesse us de Federe und sind am 7:15 parat gstande zum Iturne. Obwohl mer na chli müed gsi sind, hemmers hinter eus bracht und die letzte Frisure sind na gschwind gmacht worde. Denn isches Schlag uf Schlag gange. Agfange hemmer mit de Ring. Mer hend eus müesse chli a dRing gwöhne, aber mir hend alli eusi Leistig chönne abrüefe und es sind schöni Üebige turnt worde. Wiiter isches am Sprung gange. Au det hemmer chli Afangsschwierigkeite gha, aber denn isches doch na meh oder weniger guet worde. Und denn zum Reck. Det hets zwei würkli schöni Üebige geh und eini wo chli abverreckt (haha) isch. Aber mir hend eus nöd unterkriege lah und sind als letzts na an Bode. Und det isch würkli super gsi; es het nur na 9i gregnet. Alles i allem chömmer stolz uf eus si und freued eus uf de nächst Wettkampf!

K5B

Am Samstig morge started mer scho früeh in Embrach i de Breiti, mir sind all zwar mega ufgregt, aber freued üs au mega. Am Reck fanged mer ah, leider mit es paarne Stürz wo mer aber am Bode, eusem nächste Grät wieder usgliche chönd. A de Ring und am Sprung hemmer üs alli nomal ganz fest gspanne und nach äre längere Mittagspause sind mer denne at Rangverkündigung. Leider hets für niemert e uszeichnig gäh, aber Spass hemer trozdem gha.

K6
Am Sunntigmorge isch euse Wettkampf gsi. Chli verschlafe und hoffentlich s letscht mal ide erschte Abteilig hemmer mit Bode ahgfange. Mit biz weniger nahvollziehbare Note simmer den ad Ring. Det simmer beidi eusi Saltoabgäng gstande und wiiter zum Sprung. D Ronja het zwei super Sprüng turnt mit eme Schnitt vo 9.58!! De Wettkampf hemmer mit chline Patzer am Reck aber trotzdem guete Note vo 9.20 / 9.00 abgschlosse.
S Schlusstotal vode Ronja 36.88 mit Rang 6 und vode Lina mit 36.28 mit Rang 14 simmer zfride au wenn na chli Luft nach obe da isch.